POET "MUNEER NIYAZI"
aa ga.ī yaad shaam Dhalte hī
aa ga.ī yaad shaam Dhalte hī
bujh gayā dil charāġh jalte hī
khul ga.e shahr-e-ġham ke darvāze
ik zarā sī havā ke chalte hī
kaun thā tū ki phir na dekhā tujhe
miT gayā ḳhvāb aañkh malte hī
ḳhauf aatā hai apne hī ghar se
māh-e-shab-tāb ke nikalte hī
tū bhī jaise badal sā jaatā hai
aks-e-dīvār ke badalte hī
ḳhuun sā lag gayā hai hāthoñ meñ
chaḌh gayā zahr gul masalte hī
RECITATIONS
No comments:
Post a Comment